الموضوع الثالث
التجاهل ممن تحبه
أما الموضوع التالت أو الإستراتيجية التالتة اللي هنتعلمها في الكتاب هي الحالة اللي بتكون أنت مرتبط فيها بشخص، والشخص دا بيتجاهلك أو بيتهرب منك أو بيعاملك بطريقة مش كويسة فالجزء دا هيفيدك جداً.
هقولك على 4 خطوات في علم النفس العكسي هتخليه يرجع مرة تانية يهتم بيك وأكتر من الأول كمان..
وفي آخر الجزء دا هقولك على أهم سر في علم النفس واللي هيخليك من أصحاب الشخصيات القوية اللي بتتحكم في مجرى أي حوار أو أي علاقة.
الخطوة الأولى
عدم تنفيذ طلباته
أول خطوة
هي إنك ما تلتزمش ناحيته بأي حاجة
أسهل طريقة تقدر من خلالها إنك تفرض قوانينك على أي شخص، هي إنك ما تلتزمش باللي بيطلبه منك، يعني أي حاجة يطلبها منك ما تعملهاش.. وكدا مش هتكون ملزم ناحيته بأي شيء.. وكدا هيلاقي نفسه دايما بيحاول إنه يخليك تلتزم ناحيته.
يعني هتلاقيه يبدأ يعاتبك، ويمكن يهددك بأنه يسيبك
هتلاقيه بيبدأ إنه يحاول يحسسك بالذنب من خلاله إنه يلومك أو إنه يلعب دور الضحية.
وهو دا اللي إحنا عايزينه، هو ده اللي هيخليه يرجع يتعلق تاني.. طب إزاي؟؟
قيس دا على نفسك هتلاقي إن أكتر شخص بتلومه هو أكتر شخص أنت متعلق بيه..
ودا معناه إن الشخص اللي بيلومك أو يعاتبك، الشخص بيحاول إنه يصلح فيك حاجة، ويخليك تلتزم بكلامه هو الشخص اللي بيتعلق بيك.
وعلشان يخليك تلتزم بكلامه فلازم من البداية ما تلتزمش بكلامه، لكن لو كنت بتمشي عالعجين متلخبطوش فدا مش هيخليه يكون عنده رغبة في إنه يصلح فيك حاجة، لأن كل حاجة فيك كويسة، وللأسف هيتجاهلك، علشان كدا لازم ما تلتزمش ناحيته بحاجة.
هتقولي طب ما كده ممكن يزهق ويمشي.. علشان كدا لازم تعمل الخطوة التانية.
التعليقات
للتعليق يجب عليك تسجيل الدخول اولا