الحيل النفسية الرابعة
المفاجأة
أما الحيلة الرابعة اللي هتخليه يقرب منك جدا
فهي إنك تتصل بيه أو تقابله بشكل مفاجئ
يعني الشخص دا اللي أنت عايز تقرب منه حاول دايما تركز في تعاملك معاه على عنصر المفاجأة
يعني مثلا ركز على إنك ماتكلموش أبداً مكالمة تليفون ولكن فجأة من وقت للتاني حاول إنك ترفع سماعة التليفون وتتصل بيه تقوله:
(إزيك، أخبارك إيه، بتعمل إيه.. تمام، إن شاء الله يوصك جميل)
وخلاص أنهي المكالمة ومتتصلش بيه تاني
ولو اتصل بيك ماتدرش عليه
وكده أنت هتخليه حاسس بفضول ناحيتك لأنه هيحس إنك مش مفهوم
ومش مفهوم معناها إنك غامض
وغامض معناها إنك جذاب
الحيلة النفسية الخامسة
تسليط الضوء على حياتك
أما الحيلة الخامسة ودي مهمة جدا
فهي إنك تسلط الضوء على حياتك
لا يمكن أي شخص هيهتم بيك لو مكنش عندك حياة
حاول إنك تسلط الضوء على حياتك
حاول إنك تكون دايما شخص بيشارك التفاصيل الممتعة في حياته على السوشيال ميديا.. استغل الاستوريات على الفيس أو الانستجرام أو الواتس أب أو السناب شات لأن هو دا الشيء اللي هيخلي الشخص اللي في بالك بمجرد إنه هيشوف دا هيحس إن حياتك ممتعة وكل ما حس إن حياتك ممتعة حس إنه عايز يقرب منها أكتر وأكتر.
الحيلة النفسية السادسة
غموض حياتك الشخصية
أما الحيلة السادسة اللي تقدر تستخدمها معاه
فهي إنه لما الشخص دا يسألك أسئلة زي:
هو أنت مرتبط؟
مين الشخص اللي أنت بتكلمه؟
مين فلان اللي كان معاك؟
هو أنت ارتبطت قبل كده؟
اللي عايزه منك هنا إنك متجاويش على النوعية دي من الأسئلة ولكن حاول إنك تبتسم وتضحك وبس.
وكأن الموضوع بالنسبالك كان مفاجئ، وإن في شيء غريب جداً مش عايز تحكيه، خليه يحس بالفضول أكتر ناحية الجوانب دي في حياتك.
الحيلة النفسية السابعة
طلب المساعدة
أما آخر حيلة تقدر تستخدمها معاه
فهي إنك تطلب منه المساعدة
ودي حيلة بينجامين فرانكلين ودي عبارة إنك لما تطلب مساعدة من الشخص اللي قدامك وينفذها لك فدا هيخليه بشكل لا واعي يحس إنك شخص مهم جداً بالنسباله لأنه بيساعدك.
زي مثلا
تخليه يساعدك في إنه يتقي لك فيلم السهرة
يساعدك في اقتراح كتاب معين
حاول إنك تخليه يساعدك في إنه يشتري حاجة أنت بتدور عليها كلفه بحاجة معينة
بمهمة معينة
المهمة دي هتخليه يفكر فيك وتبقى شاغل باله طول الوقت زائد إنه لما يقدم لك المساعدة وتشكره على المساعدة فده هيخليه يحس إنه أثر في حياتك وبالتالي هيحس إنه عايز يؤثر في حياتك أكتر من خلال إنه يقرب منك أكتر.
التعليقات
للتعليق يجب عليك تسجيل الدخول اولا