الحيل النفسية لكسب التعلق

• الكاتب : q8_failaka
• / 2025-07-23

الحيلة النفسية الثانية 

الحيلة النفسية الثانية اللي هتخليه يحب إنه يتقرب منك ويشتاق لك هي إنك تكون دايما الشخص اللي بيحاول ينهي المحادثة أو المقابلة.

دايما لازم تركز على الموضوع دا لازم تعرف إن الشخص القوي هو الشخص اللي بيقدر يسبب، هو الشخص اللي بيقرر إنه يمشي يعني مثلا لما تكون بتتكلم مع الشخص دا والكلام معاه ممتع جداً.. كل اللي عايزك تعمله علشان تخلي الكلام معاه ممتع أكتر هو إنك توقف الكلام.

هو إنك تنسحب فجة بطريقة معينة زي مثلا إنك تقفل تليفونك أو متتكلمش معاه لمدة ساعتين أو يوم زي مثلا إنك تقوله إن حصل عندك ظرف معين لازم تروح علشان تخلصه وإنك هتكلمه بعدين، مش مهم إزاي تنهي الكلام معاه المهم إنك تنهي الكلام معاه.. لما تنهي معاه الكلام فأنت بتوصل للشخص دا أفكار قوية جداً يستوعبها في عقله اللا وعي وهي إنك ما بتهتمش بيه للدرجة اللي تخليك تتكلم معاه 24 ساعة وهي إنك عندك انشغالات وعندك حياة وتقدر تستغني عنه ودا مهم جداً.. علشان أي شخص يشتقالك لازم يعرف إن عندك القدرة إنك تسيبه.

 

الحيلة النفسية الثالثة

الإحساس بالحرية

الحيلة الثالثة اللي هتخليه يشتقا لك دايما ويبقى حابب يقرب منك أكتر هي

إنك تخليه يحس إنه دايما حر

لازم تعرف إن أي شخص لو لاحظ إنك بتغير عليه ومفيش بينك وبينه أي حاجة يعني لسا في مرحلة البدايات، ولو لاحظ إنه يقدر يستفزك، فهتلاقيه هنا حطك في دايرة إنك مضمون، واللي هيحصل لما هتبقى بالنسباله مضمون إنك هتلاقيه حاطك في خانة الاحتياط.. فكل اللي عليك هنا هو إنك تحسس الشخص اللي قدامك إنه حر.

يعني مثلا لما يقولك إنه هيسافر.

قل له: إن شاء الله تروح وترجع بالسلامة، بلاش تقوله لا هتوحشني، هتسافر ليه؟ ليه ما قلتليش؟

لما تلاقيه جاي يقولك إنه اشترى ليس جديد والنوع دا من اللبس هو عارف إنه بيستفزك

قل له تمام مبروك عليك.

أو لما يقولك مثلا إنه هيعمل حاجة معينة

قل له تمام هسيبك دلوقتي تشوف اللي وراك كل ما حسست الشخص اللي معاك إنه حر، وكل ما أكدت له إنك مش مهتم بيه كل ما خليته يحس بالاستفزاز لأنه عايزك تعمل العكس..

هو بيستفزك لأنه هيسافر

بيستفزك لأنه بيكلم الشخص الفلاني

بيستفزك لأنه بيلبس لبس يضايقك

فبالتالي الاستفزاز دا بيحاول من خلاله إنه يخليك تهتم بيه.. فلو بينت له إنه حر يقدر يعمل اللي هو عايزه وأنت مش هتهتم، هنا هتلاقيه هو اللي استفز وهو اللي بدأ يحاول إنه يقنعك بيه مش أنت اللي بتحاول تقنعه بيك.