قلب المحيط ج1 للكاتب محمد حسن

• الكاتب : q8_failaka
• / 2024-09-12

رواية_قلب_المحيط 

بقلم_محمد_حسن

الجزء_الأول

 

 

اغلبية البشر مقتنعين ان مفيش اجمل من البحر و الحقيقة انا من ضمن الناس دى بس خلينى اقولك ان المظاهر خداعة 

و ان قلب البحر مفيهوش حاجة تثير الاعجاب 

حاسس من نظرتك لكلامى بعدم التصديق 

صدقنى لو حكيتلك قصتى هتقتنع بكلامى .......... 

هتقتنع ان فى عالم آخر غيرنا 

 

*********ٍ*********ٍ*********ٍ*****ٍ 

 

يوم 20 اغسطس

كان يوم شديد الحرارة طبيعى زى اى احد يروح مصيف و يشم هوا و يستمتع بالبحر سواء بالنزول المياه او الجلوس قصاد البحر 

 

خلينى اقولك انى ولا عملت ده ولا عملت ده اتفقت انا و واحد صديق ليا اننا ناخد تجربة جديدة 

 

يوم 21 اغسطس

صحيت من نومى على رنه تلفونى بصيت على المتصل لقيته صديقى المقرب صبرى : 

 

 ايوة يا صبرى لدرجاتى مستعجل على المصيف 

 

 صباح الخير يا عم هو فى حد عارف انه رايح مصيف النهاردة و يقوم متأخر 

 

 ههههه طيب يلا بينا انا هقوم هجهز حاجتى و اخد شاور و اجيلك 

 

 متتاخرش يا عمر و تعالى عند البيت عندى عشان نطلع بالعربية علطول 

 

 طيب مش هتأخر 

 

 يلا سلام 

 

 سلام 

 

قومت جهزت حاجتى و نزلت من البيت انا طبيعتى عايش لوحدى ابويا و امى عايشين برا و مستنيين اخلص دراستى عشان اروحلهم فى فترة الاجازه 

بس اتفقت معاهم انى هصيف مع صحابى و اجيلهم علطول 

 

لقيت تلفونى بيرن لقيته صبرى : 

 

 ايوة يا صبرى جايلك اهو 

 

 يلا يا عمر عشان منتأخرش 

 

 هنتأخر على اية يبنى هو البحر عنده مواعيد 

 

 يلا بس عشان بقالى فترة كبيرة منزلتش المياه 

 

 طيب مش هتاخر عليك سلام 

 

 سلام 

 

ركبت مواصلات و قربت اوصل على بيت صبرى الحقيقة ان صبرى مأجر يخت و هنخوض تجربة الغوص خلينى اقولك ان عمرى ما جربت التجربة دى 

صحيح انى من عشاق البحر بس عمرى ما دخلت اكتر من كدة علطول بسمع ان مظهر البحر جميل بس مكنتش عارف ورا الجمال ده اية 

 

وصلت عند بيت صبرى و لقيتة مجهز كل حاجته و لقيتة بيقولى : 

 

 كدة كل حاجة تمام انا اتفقت مع واحد هينزلنا البحر و هو مجهز كل عدة الغوص 

 

 طيب جميل هنقعد اد اية تحت 

 

 الحقيقة هو مقاليش و كمان هيبقو اتنين واحد معاك و التانى معايا عشان الامان و كدة 

 

 مفيش مشكلة يا صبرى يلا بينا 

 

 يلا اركب 

 

بعد ساعة زمن وصلنا المكان كان عاجبنى اوى اليخت و الحقيقة كنت مبسوط انى هاخد التجربة الجديدة دى 

قربنا من اليخت و استقبلنا شابين فى نفس عمرنا لقيت واحد فيهم بيمد ايدة و بيقولى : 

 

 اهلا ازيك تقدر تقولى يا عاصم 

 

 اهلا بيك يا عاصم 

 

 و ده زميلى ناصر 

 

 اتشرفت بيك ...... طبعا عارفين صبرى 

 

 اكيد ده هو اللى اتفق معانا تعالو اتفضلو اتفضلو 

 

ركبنا اليخت و اتحركنا و الحقيقة كنت مبسوط لقيت صبرى بيقولى : 

 

 اية رايك بالفكرة دى هى صحيح مكلفة بس جديدة علينا 

 

 عندك حق 

 

كنت قاعد ببص لشابيين دول و لقيتهم بيحضرو حاجات الغوص زى انبوبة الاكسجين و بدلة الغوص و غيرها لقيت عاصم بيقولنا : 

 

 هااا جاهزين احنا كدة نعتبر فى نص البحر مش بعيد اوى عن اليابس 

 

 اكيد طبعا جاهزين 

 

 بس عندى تعليمات لازم تعرفوها الاول 

 

 اى هى 

 

 اولا الغوص مش عاوز خوف 

ثانيآ مش عاوز حركة كتير 

 

 طيب اية علاقة الخوف بالغوص 

 

 هقولك لو خوفت وانت تحت البحر سرعة تنفسك بتبقى اعلى و بتالى هتخلص ابنوبة الاكسجين قبل ميعادها 

 

 ايوة فهمت 

 

 ثالثا هيبقى معاكو كشافات عشان لو فى حد عاوز ينادى لتانى ينور بالكشاف و ساعتها هنفهم ان فى حاجة او الشخص ده عاوز يورينا حاجة و اتمنى يا حضرات تنفذو التعليمات و اتمنى ليكو رحلة سعيدة 

 

قومنا انا و صبرى عشان نلبس بدلة الغوص بصيت على صديقى صبرى فا قولتله : 

 

 انت هتنزل بالساعة دى يا صبرى 

 

 و اية المشكلة دى ضد المياه و كمان الساعة دى عزيزة عليا مش بقلعها من ايدى 

 

 براحتك انا قولت انك تسيبها على اليخت احسن 

 

 لا هلبسها و كمان جهز كامرتك عشان نصور اللحظات السعيدة تحت المياه 

 

 جاهزة يا صديقى 

 

بعد ما خلصنا لبس و بقينا بنصور بعض بالبدل لقيت عاصم بيقولنا : 

 

 هااا جاهزين يا شباب 

 

 جاهزين يا صاحبى 

 

بدأنا ننزل واحد ورا التانى الحقيقة كنت مبسوط اول مرة اشوف منظر زى ده طول عمرى بشوفه فى الشاشات بس اول مره اشوفه حقيقة 

 

كنا بنقضى اللحظات السعيدة و بقينا بنصور بعض و دة غير الاسماك اللى رايحة جاية علينا الحقيقة مكنتش شايف عاصم ولا زميله ناصر لقيت صديقى صبرى بيشاورلى و بيقولى : 

 

 بص هناك 

 

لقيته بيشاور على اتنين تحت عرفت انهم عاصم و ناصر لقيتهم بيشاوره لينا ان احنا نتحرك و نروحلهم 

اتحركنا انا و صبرى بس الغريب

ان كل ما بننزل تحت ضوء الشمس بيختفى تدريجآ كنت شايف صبرى بيتحرك ادامى كنت بنور بالكشاف كنت عاوز اقوله انت رايح فين بس الحقيقة انو مشافش الكشاف ولا هيقدر يسامعنى 

 

مشعارف احنا دخلنا فى اية بس اللى كنت عارفة كويس ان احنا دخلنا لجحر تحت البحر بعيد عن اشعة الشمس مبقتش شايف حاجة و كمان مبقتش شايف صديقى بدأت اخاف افتكرت كلام عاصم و ان احنا منخافش عشان انبوبة الاكسجين متخلص قبل ميعادها بدأت اتمالك اعصابى و بدأت اتنفس بهدوء و هشوف اعمل اية 

 

لاحظت ان فى ضوء كشاف تحت بينور بدأت اتحرك نحية الضوء لحظات بسيطة و وصلت لضوء 

لقيته شخص واحد مكنتش شايف ولا هعرف مين دة 

لقيته بيشاورلى انى اتحرك وراه 

 

الحقيقة كنت متردد و هتحرك لية كنت شاكك انو ميكنش صبرى اضرييت انى اتحرك وراه كنت منور الكشاف عليه 

 

خلينى اقولك ان كل ما الشخص دة بيتقدم بيخلع حاجة من البدلة لقيته شال الماسك الحقيقة مكنتش شايف شكله كنت بنور عليه الكشاف عاوز اقوله شيلت الماسك لية بس الاغرب من كدة لقيته شال انبوبة الاكسجين و بقى بيغوص من غير ماسك ولا انبوبة حتى 

 

دقات قلبى كانت عاليا بدأت اخاف معقولة يكون ده طبيعى معقولة يكمل غوص و هو بالحالة دى 

 

الحقيقة لولاش الكشاف اللى معايا مكنتش هشوف حاجة من دى بس الاغرب من ده كلو ان وقف مرة واحده و مدينى طهره كنت خايف و مرعوب 

خايف ميكونش صديقى حتى لو مكانش صديقى 

 

فين صديقى ؟ 

 

سؤال مالهوش اجابة عشان لقيت الشخص ده لف طهرة و لقيتة ناصر الشخص اللى من ساعة ما ركبنا اليخت مكنتش بسمع صوته كان شخص هادى بس دلوقتى مبقاش شخص مبقاش بنى ادم 

 

لقيته كائن مرعب مخيف كنت شايف جلده الاخضر السميك عينة مشققه بالطول سنانه طويلة زى القرش 

لقيته بيبصلى و بيبتسم كانت ابتسامتة مرعبة 

 

كنت خايف و مرعوب بدأت اتحرك بسرعة عاوز اطلع من هنا عاوز اطلع لسطح المياه بقيت بغوص بسرعة بقيت بتنفس بسرعة عاوز اوصل قبل ما الاكسجين يخلص كنت حاسس بحركته ورايا حاسس بخياله ورايا 

كنت شايف سطح المياه فوق بس كان بعيد جدآ 

 

بقيت بغوص بكل قوتى برغم انى تحت المياه بس كنت سامع صوت الكائن ده كنت سامع و حاسس بحركته ورايا مكنتش عارف صبرى راح فين و اختفى ازاى 

ادرجت ساعتها ان ناصر و عاصم مش بشر دول كائنات متجسدة على هيئة بشر 

 

معرفش هتصدقنى ولا لا بس انا بمجرد ما طلعت من الجحر مبقتش حاسس بوجودة مبقتش سامع حاجة غير صوت نفسى و طخ المياه من الماسك 

 

وصلت سطح المياه بصعوبة كنت حاسس بضعف كنت حاسس بتعب رهيب مبقتش عارف اعمل اية مبقتش عارف صديقى راح فين و اختفى ازاى 

 

اول ما طلعت سطح المياه كنت بصرخ بصررخ بهستريا

الغريب و الصدمة انى لقيت نفسى فى الليل انا فى الليل ازاى ؟ 

 

الموضوع معداش علية اكتر من ساعة ازاى دة حصل 

معقولة انى كنت كل دة تحت المياه 

مستحيل انبوبة الاكسجين مبتعقدش اكتر من ساعة 

اسئلة كتيرة فى دماغى ملهاش اجابة ازاى و امتى حصل مبقتش عارف افكر ازاى 

 

سمعت صوت مركب قريب منى ندهت باعلى صوتى : 

 

 انا هنا الحقووونى الحقوووونى 

 

دقايق بسيطة و المركب جى ركبت بالعافية و الناس بتسألنى مالك و اية اللى حصلك 

 

بس الحقيقة مكنتش برد مكنتش عارف اتكلم مكنتش مصدق من اللى حصل فضلت ساكت لغاية ما وصلت اليابس كنت عاجز عن الكلام 

 

انا بنسبالى كان اليوم ساعتين  كنت بعمل اية و بقيت الساعات كنت فين و اختفيت فين معرفش و لا حد هيصدقنى لو حكيت بس قررت انى احكى قررت اقول قصتى لناس 

 

اغلبية البشر مقتنعين ان مفيش اجمل من البحر و الحقيقة انا من ضمن الناس دى بس خلينى اقولك ان المظاهر خداعة 

و ان قلب البحر مفيهوش حاجة تثير الاعجاب 

حاسس من نظرتك لكلامى بعدم التصديق 

صدقنى ان فى عالم آخر غيرنا عالم تانى تحت البحر صدقنى 

 

الحقيقة ان محدش صدقنى محدش اقتنع بكلامى بس انا هثبتلكم كلامى 

 

*********ٍ*********ٍ*********ٍ*********ٍ****** 

 

 بعد يومين * 

 

كنت واقف على الشط افتكرت يوم الحادثة افكترت اللى حصلى و دلوقتى معايا اكبر و اشطر غواصين فى المكان مستعدين يبدأو رحلة البحث عن صديقى 

بس الغريب انى لقيت حاجة كانت عزيزة على صديقى 

لقيتها موجودة على الشط مسكتها و دموعى نازلة على خدى الحقيقة مكنتش خايف المرة دى كنت مستعد انزل البحر من تانى من اجل صديقى 

 

لقيت حد من الغواصين بيقولى : 

 

 احنا جاهزين يا استاذ عمر 

 

بصيت على البحر كنت حاسس انى هلاقى صديقى حاسس بكدة 

 

الجزء الاول انتهى من قصتى اتمنى تعجبكم "ٹ