#مسابقة_دعم_المؤالفين
2قلمأ#حماده_زهران ا#أبن_الجن
الجزءالاول
"احيانا البشر بيتعرض عليهم عروض كلها غلط وحرام في اللي متعلم وإيمانه قوي وفيه اللي إيمانه ضعيف وجاهل زي انا.....
انا (رباب)عمري ٣٢سنه عايشه ف اسكندريه مع لعنتي اللي مش قادرة اخلص منها ازاي والمشكله انو مش عايزه اخلص منها لأن اللعنه دي يبقي طفلي بس من اب جني..
قصتي بتبدأ من زمان ف سن العشرين لما كنت عايشه مع (باباوماما)ف (اسوان) بالمناسبة أنا كنت وحيده ،كانت اجمل حاجه بشوفها ف حياتي لما اشوف فرحت بابا وماما بنجاحي........
في يوم كنت عند صديقتي المقربه(صابرين) اللي كانت جارتي ،وكنت بساعدها في فرش بيتهم اللي عايشه فيه هي وامها بس وفجأة سمعنا صوت (انفجار) اتخضينا ومنعرفش في ايه لما طلعت شوفت اصعب منظر ممكن اتخيله لقيت بيتنا ادمر وبابا وماما جوه البيت ولما خرجوهم كانوا جثث المشهد أشبه بالكابوس ولكنه حدث بالفعل ،فقدت الوعي بعدها مش عارفه بعد كد ايه وقت فوقوني في بيت جارتي والحزن مخيم علي وشوشهم والدموع ماليه عيونهم عليا وعلي بابا وماما انا كنت فاقده النطق والحركه
صبرين اتكلمت وبكل نبرة حزن .البقاء لله يا رباب شدي حيلك
واول ما سمعت الكلام ده
انهارت من البكاء اخدتني في حضنها وفضلت تطبطب عليا..........
عدا يوم،اتنين، اسبوع نفس الحزن لحد ما ف يوم كنت ببكي ونمت وانا ببكي بس انا حاسه اني انا مش نايمه كأني كده غمضت عنيا وفتحتها تاني شوفت شاب قدام السرير وسيم وجميل جدا قرب عليا وقلي متزعليش يا حبيبتي ومسح دموعي وسحبني لحضنه، الغريبه اني كنت مستجابة معاه وزي القماشه ف ايديه،وبعدها وقف ورفع المخده اللي نايمه عليها وحط خاتم دهب وقرب عليا وقال متحكيش لحد عني.
صحيت من النوم وانا مبسوطه اوي وجسمي بيتحرك طبيعي ومفيش اي حاجه، قمت بقي ارتب فرشتي اللي كنت نايمه عليها لقيت الخاتم تحت المخده فضلت متنحه ومش مصدقه....
دخلت( صبرين) عليا وقالتلي حمدلله على السلامة بسم الله ما شاء ألله صحتك ردت ،قلتلها شكرا ربنا يخليكي...
قالتلي الحمام جاهز ودخلت الحمام اخدت دش ميه وبفكر ف اللي حصل وأنا بقول لنفسي معقولة اللي حصل ده كان بجد مكانش مجرد حلم بس مين هو الشاب ده وانا هعيش فين بعد ما البيت ادمر انا مليش حد غير خالتي اللي ف اسكندريه وبتبعد عليا مسافات أهل بابا بيكرهوني أنا وأمي ومقاطعين ابويا...
صبرين وامها طبعا رفضو اني امشي وخصوصا اني يعرفوا اني خالتي ساكنه في اسكندريه بعد الحاح من (صبرين وامها) اضطريت اقعد معاهم ....
عدا اليوم ونسيت الحلم رغم انو معايه الخاتم بس جايز يكون من الاول تحت المخده ومفكرتش كتير ونمت_نفس الشاب الوسيم عندي ف الأوضه قرب عليا وانا مستسلمة وببادلو بنفس الشعور والحب......
قام وقف ورفع المخده وحط سلسله دهب وقرب عليا وهمس متعرفيش حد بيا، فوقت وأنا جسمي كله عرق قررت ارفع المخده وأديا بتترعش ورفعت المخده وكانت المفاجأة السلسلة موجوده........
وظهر اليوم الثالث وساب خاتم ونفس الشرط محكيش لحد ،اليوم الرابع،الخامس،السادس...
حكيت في اليوم السادس لصبرين....
شخص بيزورني كل يوم ف الحلم ويسبلي دهب ده حاجه مش طبيعيه،(صبرين) اترعبت لما شافت الدهب وقالتلي يمكن هلوسه يا حبيبتي والدهب ده بتاعك ما انتي اللي حصل معاكي صعب نامي دلوقتي وانشاء الله هتبقي كويسه....
نمت ف اليوم السابع ظهر مقربش مني وبكل هدوء قلي "انا مش قلتلك متجبيش سيرتي مع حد انتي كده منعتي خير كان جايلك باللي عملتيه"، وفوقت الغريبه اني ف حلم مليش سلطه في الكلام مسلوبة الاراده....
عدا يوم اثنين وثلاثه واسبوع وشهر.....
عدا ٣ شهور ومظهرش كنت حزينه اوي ووحشني اوي........
في ضيوف عند (صبرين) ابن عمتها اللي كان متقدملي ورفضته علشان خاطر كنت بحب اخوه اللي هو خطيب( صبرين) دلوقتى
اول ما شافني عمل نفسه مش شايفني.......
وقت الغدا كنت ف المطبخ بساعد صبرين وامها..........
خطيب (صبرين)وحبيبي السابق بينادي علي ام( صبرين )طلعتلو ووراها (صبرين) وبقيت أنا لوحدي ف المطبخ و فجأه لقيت اخوه معايا ف المطبخ وحاول يتهجم عليا جريت منه وانا بصرخ لبره المطبخ (صبرين) وامها وخطيبها اتفزعوا اول ما شافوني خارجه أصرخ حبيبي السابق سألتي فيه إيه ؟؟وأنا باخد نفسي بالعافيه مش قادره ارد........
و فجأه اخوه فضل يصرخ في المطبخ وجري عليه لقيه ميت بمنظر بشع شرب الزيت اللي بيغلي علي النار ولك أن تتخيل المشهد...........
خرجت اجري من البيت وانا مش عارفه اروح فين لقيت نفسي عند قبر بابا وماما قعدت قدام القبر وفضلت ابكي............
ظهر الشاب واول مره يظهر قدامي من غير ما اكون نايمه
مش عارفه ليه اول ما شفتو جريت علي حضنو وفضلت اعيط ،قالي متعيطيش اي حد هيحاول يأذيكي هيموت انتي ملكي انا وبعدها اختفي.........
كلمت صبرين أنها تقابلني بعيد عن البيت طلبت منها هدوم والدهب اللي موجود ف البيت اللي جاني من الشاب ده......
وصلت عندي صبرين وطبعا حاولت ترجعني وانا رفضت لأني قررت اروح عند خالتي.........
اخدت الدهب وانا مش عارفه مصدره ايه زي الهبله ومعرفش الشاب ده ايه........
وبعدين مش مهم مصدره المهم يكون حاجه تجيب فلوس اصرف منها روحت عند خالتي في محافظه اسكندريه.........
خالتي قعيده عايشه هي وبناتها
(ليله) ٢٣سنه،(حبيبه)١٦سنه،(ولاء)٩سنين.
انا فرحانه بلمت عيله جنبي وهما كمان فرحوا بوجودي..........
حضروا غرفه ليا ولوحدي و ف ليله ظهر الشاب وقرب عليا و مسكني من ايدي ومشي ومشيت معاه وقام فاتح باب الأوضه ولكن الباب مفتحش علي صالت البيت بتاع خالتي، الباب فتح علي مكان كبير مليان زرع والسماء زرقا وصافيه وحاجات جميله وفيه ممر كبير محاوط بالاشجار والورود الجميله الملونة ف اخر الممر عرش كبير وشوفت حاجه غريبه كده كأنات غريبه جسم قرد بوجه كلب ولما سألت ايه دول قلي دول الخدم بتوعك وف آخر الممر مسكني من ايديا وقعدني على العرش وقعد على ركبته وطلب مني الجواز .....
ولكني قمت من نومي قبل ما جاوب فضل اسبوع مش بيظهر واليوم الثامن ظهر وعرض نفس الجواز تاني وقبل ما أجاوب بأيوه او لا كنت بصحي....
بدأت اشوف كوابيس كنت بشوف نفسي قاعده ف اوضه مظلمه وشمعه منوره وقدامي طشط كبير وخالتي قاعده علي الارض وفيه طفله ف سن سنتين كده خالتي بتدبحهاف الطشط ده وتقطعها حتت وتمسك حته كبيره كده وتديهاني وانا غصب عني مسلوبة الاراده بمسكها وهبدأ اقطم وبمجرد مبتلمس بوقي كنت بصحي.......
بدأت اخاف واترعب قمت خرجت من الأوضه لقيت خالتي وبنات خالتي قعدين ف غرفة المعيشه وكأنهم مش شايفني ولا منتبهين ليا و فجأه ظهر بشكلو الوسيم وماسك سكينه كبيره وبكل برود أعصاب مسك خالتي من شعرها وبدأ يدبح فيها وخالتي مستسلمة خالص ومحدش منتبه من البنات لحد مفصل الرأس عن الجثه وبعد كده لف علي واحده واحده ف البنات وانا مش قادره اتحرك ولا قادرة أصرخ ولا قادرة أغمض عنيا شوفتهم هما و بيدبحو قدامي وانا مش عارفه اعملهم حاجه وفقدت الوعي بعدها...........
صحيت من النوم والحمدلله انو كابوس.......
اطمنت علي خالتي وبناتها عدا اسبوع ومفيش اي كوابيس ولا حتي هو بيظهر.......
نمت وظهر وعرض نفس العرض بس المره دي مصحيتش وحلمي بدأ يكمل يعني كده انا وافقت علي الجواز منه وشوفت زفه كبيره فيها كأئنات أشبه بالبني ادمين لكنهم بشرتهم حمرا وخشنه ولابسين أقنعه علي وشوشهم وكائنات اشكالها غريبه نفس الكائن اللي بيشبه القرد وناس بدماغ تماسيح وتصرفاتهم غريبه يعني اللي بيزفني جن واللي هتجوزو جن أنا مش خايفه وده الغريب............
وفجأه المكان اتغير وبقيت ف اوضه كبيره جميله جدا تخطف العقل فيها كل اللي يخطر علي بال اي بنت من احتياجات شخصيه قرب عليا ومسك ايديا وسحبني ف حضنه وانا مستسلمه خالص وقلي دي الغرفه الخاصه بتاعتك وكل اللي فيها ملكك بما فيهم انا......
وانا عقلي رافض ده بس للأسف مفيش حد هيغيتني،الليله دخلتي علي الجن........
صحيت من النوم وانا مقرره أتخلص منه رحت لشيخ كنت سألت عليه خالتي وطلبت منه ان يخلصني من اللي انا فيه وبعد جلسه مع الشيخ واللي للأسف طلع دجال طلبت منه انه يعلمني طريقة تحضير الجن السفلي رفض وطردني وافتكر اني صحافية.........
رجعت البيت دخلت منهكه وتعبانه نمت شوفت جوزي محاوطه اربع أجسام غريبه كان شكلهم بشع جدا .......
(النصف العلوي جسم انسان احمر بوجه (شيطان) فيه قرنين طول القرن ميقلش عن متر والنصف السفلي جسم حصان بأربع رجول).......
و فجأه جوزي بدأ يصرخ ويتحرق ومن وراهم ظهر الدجال وكان مبتسم ابتسامه خبيثه........
صحيت من النوم.......
لقيت جوزي بس بشكله شيطاني وكان غضبان وبدأ يصرخ بصوت يخوف وولع ف خالتي وبنات خالتي وانا مش قادره انقذهم عرفت انقذ نفسي واهرب وخرجت من البيت جريت علي بيت الدجال وصلت بيته ولما دخلت لقيته بيتخنق ودخان كتير مالي الأوضه وصوت وبشع جدا بيتكلم ويقول انت خلاص لازم تموت و فجأه اختفي كل حاجه والدجال مات لقيت نجمه كبيره مرسومه علي الارض ووسطها كتاب مفتوح صفحه من صفحاته ومكتوب بخط مكبر العهد وبدأت اقرا المكتوب بخط مصغر قعدت وبدأت اقول التعويذه واحضر جن مهو انا لازم اخلص منه ده قلب حياتي ودمرها...
ظهر نفس الكائن اللي وصفه (النصف العلوي جسم انسان احمر بوجه (شيطان) فيه قرنين طول القرن ميقلش عن متر ونص السفلي حصان بأربع رجول)وقالي خلاص هو مات مقابل خالتك وبنات خالتك ،وانا همووووت من الرعب وفجأه سخونه ملت المكان وظهر دخان كتير وشوفت أبشع حاجه ممكن حد يشوفها في حياته انا شوفت (إ بليس) الشكل اللي انا شوفته ده ميتوصفش غير (بأبليس)اختفي الكيان التاني اول ما ده ظهر وبدأ بصوت مخيف جدا بيقول اسجدي من خوفي كنت ناسيه ربنا وسجدت وبدأت احس بحاجه غريبه كده ف جسمي ولما قمت قالي انتي كده بقيتي مكانو وشاور علي الدجال وهتنولي اللي انتي عايزاه الغريبه ان بعد ما سجدت وقمت مبقيش فيه ذرة خوف فيا...
كمل كلامه وقال انتي اكتسبتي علم ملهوش نهايه بس اهم حاجه العهد ف الطاعه وتقديم القرابين واختفي...........
وفجأه ظهرت أطياف سودة وفضلت تلف في المكان وبدون سابق انذار اخترقت جسمي اتشنجت وبعدها بدأت افوق لقيت نفسي حافظه كل (الطلاسم والتعاويذ) اللي موجوده في الكتب وبعرف اصرف واحضر وبدأت أقدم قرابين كنت بمساعدت الجن (اخطف) عيال صغيره وكنت (بدبحهم) واقدمهم قربان، وحده بوحده اتسيطت وكله بقي يخاف مني ويعملي حساب خلاص وبدأت أعالج (بالجن)وبقي معايا خدم قبائل وعشائر من (الجن)وبقيت اسمي (الشيخه رباب).........
وبعديها بشهر واحد بدأت احس بألم ف بطني ألم مايتوصفش وبدأت بطني تكبر وانا بصرخ من شدة الألم طلبت من الشيطان ان اقابلو علشان ينجدني بضحكه خشنه كده وقالي انتي خلصتي من ابوه بس مخلصتيش من ابنه اللي ف بطنك مع العلم اني لسه انا ( بنت بنوت) فضلت ٣شهور بالألم ده ولقيت نفسي بولد........
جه ولد حطيتوا علي طربيزة كبيره وبدأت اعمله تحويطة إبليس وفجأة بدأ يكبر بسرعه رهيبه جدا زي ما أتكون في بطني خلال ٣ شهور بقي شكله طفل عنده ٥ سنين بدأ يتعلم وكان بيقعد يشوف الجلسات اللي كانت بتحصل وتتعمل،كان معايا قبائل من الجن علشان يبقو خدم ليه.............
ف يوم جاتلي واحده كان اسمها حفيظه ومعاها امها وكانت مشكلتها أنها متجوزتجش وعاوزه تتجوز طلبت منها تشرب كباية دم وتيجي تاني يوم المقابر بالليل عند القبر فاضي......
ولما تروح البيت تكتر المرايات في الأوضه بتاعتها وتخرج اي قرآن موجود ومتذكرش ربنا ابدا...........
جات تاني يوم ومعاها امها المقابر وعند القبر اللي قلتلها عليه كانت واقفه ومرعوبه......
حدفت حفيظه جوه القبر وقفلت عليها وبدأت اقول في التعاويذ وهي تصرخ.......مش هيا بس هيا اللي بتصرخ ابني كمان بيصرخ اللي نزل معاها في القبر سمن غير مشوفه...........
وقفت وحاولت افتح اطلع ابني الباب فضل مقفول مش عايز يفتح والصراخ شغال و فجأه كل حاجه سكتت وفتحت التربه لوحدها خرج ابني بس كان شكله كبير ف حدود مثلاً ٢٥سنه وكان من نص ساعه طفل عنده ٥سنين وحفيظه فاقده الوعي ف المقبره خرجناها وهي غرقانه دم وابني فضل ساكت وبعدها نزل تاني ف القبر والباب اتقفل عليه........
رجعت البيت أنا وأم حفيظه وحفيظه اللي فاقده الوعي
ولما فاقت و سألتها ايه اللي حصل كانت بتقول ان فيه واحد اعتدي عليها والواحد ده يبقي ابني......
انا اتصدمت من اللي شفته ولازم يتم الجواز وبدأت أنادي بأسماء ملوك الجن وفضلت اقول تعاويذ وحضرت عليها كل الجن والخدم بتوعي.....
ولقيت ابني ظهر بنفس صورت ابوه وسيم وشكله الجميل وتم الجواز .......
في نفس الليلة كنت قاعده في غرفة المشغلة سمعت صوت بيقول ابنك مطلوب قربان وبعدها ظهر الشيطان وبيقول ابنك هيموت او يبقي مكانك.......
وافقت اني أضحي علشان ابني يعيش وبصوت مرعب ومخيف قال انا عايز ابنك..........
لا لا ابني لا ،ضحك ضحكه مخيفه وقلي ده نص بني ادم ونص جن ولكن رفضت وقلت لا ده ابني،و فجأه هجم دخان ف المكان وسخونه شديده هجمت علي المكان وظهرت أطياف كتيره وبدأت أتخنق دخل الأوضه ابني.........
فضلت اقوله انا وبتخنق اهرب اهرب و فجأه اتفكيت من الخنقه اللي كنت فيها واتصدمت لما لقيت ابني اللي عايز يتخلص مني ولقيت ابني بيسجد وبعدها وقف.......
ابليس بصوت مخيف أقتلها لقيت ابني بيقرب عليا وماسك خنجر كبير وبدأ يدبح فيا......
دبحت امي وقدمتها مقابل العلم اللي انا اتوصلته من ابليس...
انا امي انسيه يعني ملهاش لازمه وابويا من الجن أنا أبن الجن بالمناسبة أنا في منصب مهم في الدولة وشخصية معروفة ومحدش يعرف حقيقتي محدش يعرف اني أنا أبن الجن أما بالنسبة للعهد فأنا كان عندي قدرة انهي العهد وعايش وسط البشر وهما ميعرفوش اني أنا أبن الجن.....
(النهاية).....
ة[أُرسلت من ال iPhoneةباچكسلاسه
التعليقات
للتعليق يجب عليك تسجيل الدخول اولا