نرجع لخباياكم
شقة إيجار!
- صديق لنادي الخبايا بيحكي لأعضاء نادي الخبايا:
مع بداية الدراسة أنا وزمايلي بناخد شقة إيجار عشان الكلية وكدا الشقة اللي أخدناها السنة دي مكنتش مريحة بالنسبة لي..
شعور دايماً بالخوف وعدم الراحة أول ما أدخلها، كنت بتجاهل الإحساس دا لغاية ما بدأت أحلامي ترعبني..
أول حلم كنت نايمة لوحيد في الأوضة.. بشوف نفسي وأنا نايمة وتفاصيل الأوضة واضحة وايد بتتلف على رقبتي وبتحاول تخنقني، وبحاول ألف أشوف ايه دا مش بقدر..
ساعات بقوم من النوم وبلاقي كل حاجة زي ما كانت في الحلم تاني مرة من خوفي قلت لزمايلي أنا هنام وأنا فاتحة الباب والنور.. لكن لتاني مرة حلمت بنفس الحاجة.. شوفت الأوضة منورة وأنا نايمة والباب مفتوح بس فيه حد شبه البني آدم بس وشه ملفوف بحاجة متخلنيش أشوفه واقف على آخر سريري في الأوضة، وكان بيرمي هدومي تالت حلم كنت نايمة على سرير زميلتي وضهري للأوضة.. حلمت كان حد واقف ورايا وأنا نايمة وبيحط ايده على ضهري وبيطبطب عليا كدا.. قمت من النوم وكنت هلف ورايا أشوف فيه حد فعلا ولا لأ، بس لقيت صوت بيقولي إياك تلفي نامي.. وفعلاً في ثانية نمت تاني
زميلتي اللي معايا في الأوضة كان حصلها موقف بردوا انها قامت من النوم شافت واحدة واقفة قدام السرير وكانت مرعوبة فعلاً وبتقلي مين دي.
ولما سألنا عن الشقة اكتشفنا ان واحدة ست كانت عايشة فيها وماتت مخنوقة بسبب الغاز.
الحمد لله احنا خلاص مشينا من الشقة خلاص.
التعليقات
للتعليق يجب عليك تسجيل الدخول اولا