. ظل البيت
الحكايه بدات لما كان محمد بيجهز عشان اخر يوم عزوبيه خلاااص .. اه انهارده فرحو ..
محمد شاب في الـ 25 من العمر .. يعمل مهندس كهربائي في احد الشركات بمدينه القاهره .. يعني مهندس على ادوو ولسه بيبتدي حياتو ... اشترى شقه محندقه كده على اد الحال في عماره قديمه
بس هيعمل ايه يعني بمرتب 1300 جنيه في الشهر .. في زمنا ده مياكلوش عيش ..
محمد كان زي اي شاب بيحلم بالجواز والاستقرار . وانو يلاقي بنت الحلال ..
اهلو طبعا ساعدوه عشان يلاقي بنت الحلال دي .. وعادي جواز صالونات زي حال ناس كتيرهانهارده الفرح واليوم ماشي تمام .. الفرح حلو الناس مبسوطه
والعروسين مستعدين عشان يبداو حياتهم .. كلو تمام وزي الفل
لحد دلوقتي ...
طلع العروسين الشقه والاهل اطمنو عليهم ومشو
دخلت امينه ( العروسه ) عشان تغير هدومها ومحمد دخل عادي يخد شاور ويعني اول ليله ليهم وبيستعدو عشان يبداو حياتهم
.....
دخل محمد عشان يقابل بقا عروستو بعد ما اخد شاور
وكانت المفجأه ..
صرخ محمد وانزل اتكوم في الارض وقعد يقرا قران ويستعيذ بالله
وهو مش مصدق اللي شافو .. اول لما دخل شاف مراتو
اه شاف مراتو .. بس مش هي دي اللي كانت معاه من شويه
وشها بقا اسود سواد الليل .. عنين داميه وبتنزل دم بدل الدموع
بشره شاحبه كالامواااااات ..
محمد طبعا كتصرف طبيعي في الوضع ده .. فقد الوعي علطول
صحي محمد على صوت هو عارفو كويس ..
اه ده صوت مراتو
محمد اصحى يا محمد .. يا محمد في ايه ارجوك متقلقنيش حرام عليك .. انت بتعمل كده ليه .. عشان تخوفني صح
فتح محمد عنيه . لقا كل حاجه طبيعيه .. ومراتو مفهاش حاجه طبيعيه جدا ورجعت زي ما كانت ..
المهم طبعا بعد الخضه دي العروسين نامو ومحمد قفل عالموضوع وقال يمكن تخيلات او اوهام عشان حاجه جديده وكده ممكن يكون خوفه من التجربه خيلو كده ...
ولسه محمد هينااام
وسمع صوت صرااخ مرااتو ..
طبعاا اتنطر محمد من عالسرير
وبص ادامو عشان يتفجأ .. محمد لقا نفسو هو ومراتو بالسرير في الشارع
العفش مرمي حوليهم في كل حته
الناس بتبصلهم باستغراب
اخد محمد مراتو من غير اي كلام وطلعو البيت ..
بعد ما الجيران ساعدوهم يطلعو عفشهم
لحظات صمت رهيبه بين محمد وامينه
اظن امينه في اللحظه دي كانت الخضه منعاها حتى من ان هي تعيط
وفي وسط الصمت ده .. ولسه محمد هينطق ( هو ايه اللي حصل)
النور اتقطع
بس تقريبا لما النور اتقطع كان اشاره لامينه لانها تبدأ بالصرااخ
وكأنها كانت مستنيه الفرصه دي
طبعا محمد كان في الوقت ده بيدور على اي حاجه ينور بيها
وصوت صراخ امينه معصبه ومخليه مش عارف يركز في اي حاجه
المشكله ان الخوف مكنش ان النور اتقطع
محمد وامينه كانو حاسين انهم كل لما يتحركو في حته .. في حد حوليهم وبيمشي معاها
اصوات همسات ..
خبط على باب الشقه وعلى الشبابيك سعات ..
محمد لقا ولاعه قديمه كانت موجوده في المطبخ
الظاهر ان حد من العمال نساها او حاجه زي كده
ولسه محمد بيولع علشان يدور على كوبس الكهربا
بس تعرفو ... احيانا بيبقا الظلام نعمه .. لو بعد الظلام ده اللي هنشوفو
محمد اول لما ولع النار .. شاف خيال اسود كبير
خيال طويل جدا بس ده مش خياله .. اه مش خيالو ولا خيال مراتو
لان باختصار كان فيه 3 خيالات على الحيطه ..
طبعا 2 منهم خيالو هو ومراتو .. وواضح جدا ان الاخير ده واقف وارهم
واقف وراهم مبيتحركش .. سعتها في الوقت ده بس النور رجع ...
لما النور رجع كان ده المؤشر لمحمد عشان يدور على اجوبه عن اللي بيحصلو هو ومراتو امينه
اخد محمد امينه ووداها عند اهلها .. ورجع تاني
رجع تاني عشان يعرف ايه اللي بيحصل ..
ومين اللي عايز يدمر جوازو بالشكل ده
طبعا كانت الدنيا ليل فكان محمد مضطر انو يستنى للصبح لعلو يلاقي اجابه من بواب العماره .. او من صاحب البيت
بس محمد مكنش يعرف ان الليله دي مش هتعدي بالساهل كده
الساعه 2 ونص بالليل .. محمد بيحاول ينام
اصل اللي شافو هو ومراتو في البيت ده معتقدش ان النوم هيكون سهل بعدوولسه عنيه هتغفل ..
وسمع محمد اصوات جايه من نحيه الحمام .. اصوات كتيره ومتداخله
اصوات اطفال بيصرخو على صرااخ على صوت ستات بيهمسو
ومن بعيد سمع محمد صوت مش غريب عليه .. صوت عارفو كويس
ايوه ده صوت امينه
كان صوت امينه متداخل مع الاصوات دي بطريقه مرعبه
كانت بتنادي على اسمو وفجأه
سمع محمد صرخه كانت كفيله بانو يطير من مكانو ساقطا على الارض ..
ملحقش محمد يفوق من خضه الصرخه اللي سمعها ... لقا محمد ضوء احمر جاي من نحيه الصاله
بس ده مش ضوء عادي اه كان فيه دخان جاي من نحيه الضوء ده
دي نار
جرى محمد عشان يشوف مصدر النار دي
عفشو الجديد
كل حاجه في البيت النار بتقرب منها
النار بتحرق فيها ..
وفي الركن شافو محمد
الظل التالت
ظل اسود طويل بس ده مكنش مجرد ظل
عشان محمد كان قادر يشوف العنين اللي كانو اشبه بجمرتين من الجحيم
ايوا محمد عمرو ما كان هينسى المنظر ده ابدا
سمع محمد الصرخه مره تانيه .. وفقد الوعي
صحي محمد الصبح وهو في الشارع للمره التانيه .. وعفشو كلو محروق جمبو
والناس حوليه وبتبص باستغراب
بس محمد مهتمش بالناس .. هو اهتم بواحد بس
صاحب العماره لما لقاه وسط الناس مسك فيه .. وقالو فهمني دلوقتي حالا .. ايه اللي كان بيحصل في شقتي .. فهمني لحسن اطلع كل اللي حصلي امبارح عليك
صاحب العماره كان متوتر جدا والعرق بيصب منو
قالو بص يبني : الشقه بتعتك دي مسكنهاش قبلك غير واحد بس
راجل كان جاي من الارياف وكان بيدور على شقه وكانت العماره لسه جديده فاجرتهالو بسعر مناسب
يوم ورا التاني بدأ الناس في العمارات اللي جمبنا يشتكو
بدأو يشتكو ان فيه حجات غريبه بيسمعوها من العماره
وخصوصا من الشقه دي
استاذ عاطف اللي ساكن في العماره اللي قدام .. بيقول انو كان كل يوم بالليل يسمع اصوات غريبه ونور احمر غريب عامل زي نور غرف تحميض الصور طالع من الشقه دي ..
وظلال وخيالات كتيره على كل جدار من جدران الشقه
ومدام ( مريم ) احد الساكنين في العماره
بتقولي انها في يوم سمعت صوت صراخ بنتها
جرت وهي مفزوعه عشان تشوفها
قلتلها انها شافت شخص بشرتو سودا متفحمه
بيبصلها وبيشاورلها تيجي
وهو بيضحك ضحكه خبيثه
ولما خافت صرخت
صاحب العماره بيقول :
لما سمعت الكلام ده اخدت ناس معايا وروحت عشان اشوف في ايه
دخلنا الشقه : لقينا الراجل ميت
ايوه كان ميت ... بمعنى تاني ( كان دابح نفسو )
اتصلنا بالشرطه في سعتها يبني
وبعد التفتيش والذي منو ..
لقينا كميه من الاعمال السفليه واعمال السحر والشعوذه كانت عند الراجل دهولقينا اعمال كتير .. تخوص تفريق الازواج واسحار التفريق والمحبه والذي منوو
ودناهم لشيخ يبني وقرا عليهم وحرقهم
ومن سعتها وانا قولت خلاص مش هيحصل حاجه
ولما جتلي ادتلك الشقه
انا اسف يبن ي مكنتش اعرف ..
هو فعلا مكنش يعرف
مكنش يعرف ان اذيه البشر وصلت لكده
لانهم يعملو اكتر حاجه حرمها ربنا عشان ياذو غيرهم
بس بردو مهما كان ربنا كبير وهو سبحانه اللي قال
( ولا يفــــلح الســـاحر حيث اتى )
صدق الله العظيم
التعليقات
للتعليق يجب عليك تسجيل الدخول اولا