الاطلال
- صديق مخلص لنادي الخبايا بيحكي وبيقول
زمان حصلت كارثة عندنا في الشارع..
انا عارف اني دي مش أفضل بداية ابدأ بيها قصتي بس لو مسحتوا اسمعوني كويس..
العمارة اللي جنبنا وقعت على الناس اللي فيها مات فيها ظابط، وواحدة حامل، وست كبيرة، وشاب ساكن في البيت اللي جنبنا كان طالع يساعد الناس انهم يخرجوا من البيت قبل ما يتهد عليهم بس للأسف دخل مخرجش، كان قدره انه يموت معاهم..
فضل البيت ده مهدود كدة لحد ما جم ناس اشتروه وبنوه.. أول ما سكنوا فيه، الست جت لتيتة قالتلها انهم بيسمعوا خبط حاجة معدن في السخان بليل أو في حلل المطبخ والموضوع ده بيتكرر كتير..
طب أصلا احنا نفسنا شوفنا العجب في البيت ده
بعد الحادثة دي أصلا تيتة كانت خارجة من البيت بالليل لقت الشاب اللي مات واقف على الناصية زي ما كان بيقف وهو عايش رجعت بسرعة ودخلت تجري.
أما جدوا ساعة ما البيت اتهد الجيران قالوله ياخد البلاط يبلط بيه السطح عشان المطر وكده، وبدل ما يتكلف فلوس..
جدي خد البلاط، وكان بعض البلاط عليه دم، حطه على جنب، واستخدم الباقي، وكنت ليلة ما يعلم بيها الا ربنا..
فضلوا طول الليل سامعين ناس بتجري على السطح، وصوت خبط جامد وصراخ.. وبالليل وهو نايم شاف ناس تخوف جايه تقوله يا حرامي سرقت حاجتنا ليه؟
تاني يوم الصبح خلع كل البلاط ورجعه تاني ومن وقتها والبيت ده الكلام عليه ما بيخلص
التعليقات
للتعليق يجب عليك تسجيل الدخول اولا