مات احد اقاربى
انا ابراهيم ،، باختصار شديد واحد قريبى مات الله يرحمه و انا كان لازم انا الى ادخله التربه و معايا حد تانى قريبى برضه و دى كانت اول مره تحصل فى حياتى انى ادخل تربه او المس حد ميت و للأسف ارتكبت خطاء كبير اول ما دخلت التربه قولت (اففففف ايه الريحه البشعه دى ) و سبتهم أخرج لقيت كل الى كانو معايا اختفو !! و الباب اتقفل ! و الدنيا كلها بقت كحل و حاجه بتشدنى لورا مش قادر اطلع ايوا من قادر اطلع كل خطوه بخطوها ناحيه الباب بتشد لورا و فجأه صوت ظهر مش هتخرج من هنا ابدآ مش هتخرج من هنا عشان متعجبكش ريحتى تانى انا مش هسيبك وفجأه كأنات صغيره بتطلع من الارض شبه الاقزام بس بيمشو على ايدهم و رجليهم زاى الكلاب !! و كلهم بيتحركو عليا و بيعملو صوت زاى عاااااا عاااااااا عااااا و الصوت بيعلى و يعلى اكتر وانا مش عارف اتحرك ايوا مش قادر لحد ما وصلو عندى و مسكو رجلى و بتشد لتحت فى الرمله بتشد جامد لتحت و بحاول اعافر بس مش قادر لحد الرمل وصلت لحد دقنى و خلاص غمض عينى و قولت انا خلاص موت و فى اللحظه دى جات فى دماغى انتى انطق الشهاده اشهد ان لا اله الا الله محمد رسول الله سمعت صريخ الكأنات دى و الصوت مع الوقت تغير لأصحى يا ابراهيم اصحى يا ابراهيم فتحت عينى لقتنى مرمى على الارض برا التربه و الناس ملمومه عليا بيفوقونى و الى بيقول الحمدلله مامتش كان هيبقى موتين فى يوم واحد و بدأء استوعب كل الى حواليا لحد ما لقيت واحد واقف بعيد و هو الوحيد الى كان هادى كأنو فاهم الى حصل وانا بصصلو بستغراب انت ازاى عادى كده مش زاى باقى الناس انا بتكلم فى افكارى لقيته قرب منى و بيقولى و هو مبتسم لما تيجى تدخل تربه لازم تدخل بضهرك و اوعى تغلط فى اهلها و الى حصلك تحت ده هياخد وقت و يروح و هتبقى كويس انا مش عارف ارد ولا افكر غير انو ازاى قراء افكارى و ازاى عرف الى حصل تحت و خلصنا اليوم و العزاء و عدا يوم و التانى و التالت لحد ما رجعت من الشغل و يدوب طلعت على السرير لقيت واحد ظهر و قالى انا قولتلك مش هسيبك انا مش هسببك و هترجع تعيش فى بيتى الى باقى من حياتك و اختفى وانا مش عارف اعمل اى انا كأنى مشلول جبت المصحف و فضلت اقراء فيه لحد ما الصبح طلع و طلعت على التربه و فضلت ادور على الراجل الى كلمنى قدام التربه ملقتوش لحد ما قررت امشى و اجيله يوم تانى و انا ماشى و طالع على الشارع لقيته واقف مستنينى و مبتسم و بيقولو بدرى كده ؟؟ مش كنت تستنانى شويه ؟؟ عمومآ انا قاعد اهو مستنيك عااوز تعرف ايه يا ابراهيم ،، قولتله انت عرفت من انى جايلك اصلآ و عرفت منين الى حصل تحت قولى !!! قالى يابنى الى حصلك حصل لناس كتير بس واضح انك عجبتهم عشان كده هيطولو معاك ، قولتلو هو مين الى انا عجابتهم و عاوزين منى ايه !!! خليهم يسبونى فى حالى فضل يضحك و لف وشو و مشى و هو بيضحك و ضحكه كان رعبنى و دخل شارع يمين جريت وراه بس ملقتوش !! و الشارع طول ! قولت يمكن دخل حوش من دول بس كلهم كانو مقفولين !!و مش هيلحق يفتح و يدخل على الاقل كنت هسمع صوت لاكن مسمعتش و قررت اروح و لما روحت لقيت قاعد عندى فى الشقه و بيبصلى و يضحك و فجأه اختفى ايوا اختفى كأنو مكنش موجود !! و لحد دلوقتى ده كل الى حصل الكلام ده من سنه لو حصل حاجه تانيه اكييد هكتبلكم اسف لو طولت عليكم
التعليقات
للتعليق يجب عليك تسجيل الدخول اولا