صديق من سوريا

• الكاتب : Anan Alsmaa
• / 2024-04-18

بسم الله الرحمن الرحيم والحمد لله رب العالمين وافضل الصلاة وأتم التسليم على سيدنا محمد وعلى اله وصحبه اجمعين 🤍 تحيه مرعبة 🤍 هي قصة صارت معي من خمس سنين و بعيد ميلادي ال25 تذكرتها بعدين بتعرفو ليه .. كنت صف حادي عشر اجينا على بيت محروق هاربين من القص*ف بمدينتنا نضفنا البيت وقعدنا الحيطان سودا مش مهم . سجلت بالمدرسة كان جوها مو مريح لأنها قبو كبير عاملينو مدرسة وجوه مابعرفها مرت الايام وصرت امشي مع كم بنت منن اكبر مني ومنن اصغر . احترمت يلي اكبر مني اسمها سارة قعدنا بالفرصة نحكي قالتلي قصتها مع طليقها وبيت حماها وإنها عايشة مع امها وحكيتلها اشياء عائلية ورحنا جبنا شيبس وسمعنا اغاني .. كان في استاذ التاريخ والجغرافيا اسمو بدر لطيف معنا وشرحو مفهوم.. أجا يوم طلعت من المدرسة مع الكل .. وإذ بلاقي سارة جايه من ورايي بتقليي تعي لعندي انتي وعدتيني تجي لعندي استغربت من إلحاحا ومامتذكرة الوعد .. فكرت اذا غبت ساعه رح يقولو رحت لعند اختي لأن بالعاده بروح لعند بيت اختي بحكم بيتها بين المدرسة وبيتنا قلتلها يلا بروح معك بس مارح طول مشينا وحكينا حكي بنات ووصلنا لبيتها وفوتتني لغرفتها ضيفتني عصير برتقال وسلمت على امها كانو طيبين علمتني كيف لف الشال وتصورت لهلأ الصورة معي كان بدي نتصور سوا بس دغري نسيت.. وصلتني لنص الطريق وكملت بعدها لحالي عتمت الدنيا دقيت على باب بيت اختي مارد حدا مشيت عالبيت قلبي كان زعلان موعرفانه ليه وصلت وفتحت الباب لأن معي المفتاح طلعت مالقيت حدا قلت يمكن راحو يزورو خالتي، نمت مابعرف اديه فقت بوضعيه غريبه خفت! . رحت المدرسة الكل ينظرولي نظرات غريبة ما اجت سارة المدرسة.. حكولي البنات وين رحتي هداك اليوم قلتلهم أي يوم.. قالو الك اسبوع غايبة قلت أنا ماغبت ولا يوم.ورحت لعند سارة . كلن تفاجئو قالو مافي بنت اسمها سارة بالصف! قلت شو ؟! سارة الي قاعدة اول مقعد لابسة نضارة سودا كلكن بتحكو معها ورفقاتا قالو لأ بتتوهمي .. صار معي صدمة و اكتئاب وكيف مر مابعرف سارة وقتها كان عمرها 25 هيه قالتلي وتفاجئت انو وقتها ماستوعبت اللي صار و انا هلأ بال25 وهلأ لفهمت انو سارة رفيقتي ماكانت ونص اللي عشتو وانا نايمه..