قصة حقيقية
(ضحية المقبرة )
القصة دى حدثت هذه الايام في قرى من صعيد مصر
لما الجن يأمرك بسفك دم او قتل او اى معصية عشان ينفذ اللي انت عايزه ده مش هينفعه ولا هيضره ده معناه ان هو عايز يوصلك لكده وان كمان ممكن يخليك تأذي اقرب الناس ليك عشان ينفذلك اللي انت عايزه
بس خلي بالك هو بيخليك ترتكب انت الجريمة والمعصية بقتل شخص وفالاخر بيدمرك انت برضوا
قال الله عز وجل في كتابه العزيز بعد اعوذ بالله من الشيطان الرجيم ، بسم الله الرحمن الرحيم
(وَأَنَّهُ كَانَ رِجَالٌ مِّنَ الإِنسِ يَعُوذُونَ بِرِجَالٍ مِّنَ الْجِنِّ فَزَادُوهُمْ رَهَقًا ) صدق الله العظيم
من سورة الجن
يعني من الاخر الاستعانة بالجن اخرته دمار وخراب
لأنك لازم تنفذ المقابل عشان هو ينفذلك اللي انت عايزه والمقابل هيكون هلاك ودمار لابن ادم
ويقول الله تعالي " ولا تتبعوا خطوات الشيطان" صدق الله العظيم
القصة بتتكلم عن :
فتح مقبرة اثأر
ولازم عشان المقبرة تفتح يدبح عليها شاب في مقتبل العمر ...
واللي قالهم الكلام ده الدجال لما جه وشاف المقبرة
قلهم دى مش هتفتح اللي لما تقدمه قربان او ضحية للحراس اللي هما حارسين المقبرة وهما عايزين راس بني ادم في مقتبل العمر عشان يوافقه علي فتح المقبرة ....
واللي كانوا عايزين يفتحوا المقبرة اولاد عم
وهما قررو انهم يفتحوا المقبرة دى مهما حصل
حتي لو اطرو ان واحد منهم يموت .. لكن حارس المقبرة طلب منهم شاب يكون في مقبل العمر ويكون منهم وبتربطوا صلة رحم بينهم ..
واحد من اولاد العم كان عنده ابن اخ كان فيه كل الموصفات اللي طالبه حارس المقبرة عشان المقبرة تتفتح .. واللي عرضت الفكرة علي الشخص ده هي زوجته قالتله ابن أخوك هو اللي هينفع فيه كل الموصفات اللي طلبوها .. الزوج كان متردد في الأول وقال لا مش هينفع ابن أخويا ..
زوجته قالتله متفكرش في حل غير كده والمقبرة مش هتتفتح غير بكده لازم نجيبه لازم و انا هعرف اجيبه ..
راحتله مرت عمه البيت وهو كان نايم وصحته من النوم وقالتله الغسالة اللي بغسل عليها مش شغالة
ومعلش انا عايزة اغسل هدوم عمك واولاد عمك
ممكن تيجي تشوفها ... قلها حاضر يا مرات عمي هغسل وشي وهاجي أشوفها.. قلتله الغسالة في البيت القديم اللي انت عارفه نقلتها من البيت الجديد عشان بتزحم المكان ... قلها حاضر يا مرات عمي
وبالفعل غسل وشه وراح معاها دخل البيت وقلها هى فين الغسالة يا مرات عمي وفجأة خرجت السكينة وهو مش واخد باله وضربته بيها في بطنه وقع علي الارض ودمه اتصفى .. وجه باقية اعمامه او المشتركين في الحريمة وراحوا قاطعين راسه ... اللي كشف الموضوع ده خالته لان كانت عارفة بالموضوع من بعيد .. وشافتها وهيا واخداه ومدخلاه في البيت اللي بيدوره فيه او اللي فيه المقبرة .. ولما بصت من الباب وهو داخل معاها شافتها وهيا بتضربه بالسكينة وشافت اعمام وهما بيقطعوا راسه وجسمه .. جريت علي قسم الشرطة وبلغت الحكومة
وفي اسرع وقت كانوا مقبوض عليهم متلبسين ....
وده اللي كان عايزوا الحارس او الجن كان عايز بوصلهم للمرحلة دى ونجح ..
نجح عشان القلوب قست .. والايمان ضعف
ودى كانت النهاية
القصة حقيقية وليسة تأليف
ممكن ميكنش فيها رعب .. بس عبرة لمن يعتبر
و عظة لمن يتعظ ..
رأيكم في كومنيت .. وتفاعل جامد بقى
#ضحية_المقبرة
التعليقات
للتعليق يجب عليك تسجيل الدخول اولا