مرة كنت نايم وضبطت المنبه على صلاة الفجر
والمنبه محطوط على الترابيزة وسرير اخويا قصادي
يعني الترابيزة والمنبه بين سرير اخويا وسريري
اثناء ما انا نايم كنت بسمع صوت المنبه بيشتغل ويوقف
يشتغل تاني ويوقف
يشتغل تاني ويوقف
انا افتكرت إن اخويا بيلعب بالمنبه وان هو اللي بيعمل كده
فسبتو لما اشتغل و اتقلبت بسرعة على مكان المنبه عشان اقول لاخويا انت بتعمل ايه!؟
فلقيت اخويا نايم والمنبه سكت فجأة
ما اتشغلتش بالموضوع كتير وقمت عشان اخش الحمام واتوضي واروح المسجد
فلقيت قطة سوداء جمب الوضاية وقريبة من باب الشارع
فقولت اعوذ بالله من الشيطان الرجيم
فجاة القطة جريت بسرعه لدرجة انها خبطت نفسها مابين الباب والحيطه
برضو ما اتشغلتش بالموضوع كتير
اتوضيت وطلعت على الشارع
المسجد كان مسافة خمسة دقائق تقريبا
ففي نص المسافه قبل ما اوصل المسجد كان في قطعة أرض فاضية كان فيها صوت كأن في شخص بيخبط برجلو جامد في الأرض والصوت مستمر
انا في اللحظة دي خفت فعلا وابتديت اربط القصص اللي حصلت مع بعض
وارتبكت وخفت وفكرت اني اجري وارجع البيت
لكن تعوذت بالله من الشيطان الرجيم وقريت اية الكرسي واتوكلت على المسجد من غير ما اجري
لكن فكرت اني لما ارجع من المسجد ارجع بطريق تاني
قعدت في المسجد الى طلوع الشمس وصليت الضحى واتوكلت ورجعت من نفس الطريق
التعليقات
للتعليق يجب عليك تسجيل الدخول اولا