الميت الشهم

• الكاتب : محمود الراوي
• / 2024-04-16

بنت ماشية جنب المقابر، شافت شاب ماشي على الرصيف المقابل ليها.. اطمنت نوعًا ما.

 

لما سمعت صوت كلاب، راحت ومشيت وراه علشان تتحامى فيه، لقت الكلاب بتجري ناحيتها، البنت صرّخت والشاب بحركة چنتلة منه بعد الكلاب عنها رغم الخوف اللي ظهر عليه، لكنه واضح أنه تمالك نفسه قدامها.. وقالها بصوت هادي: 

= ماتمشيش لواحدك تاني.

 

البنت ابتسمتله بتوتر وقالت: 

_ شكراً ليك.. ومعلش بقى سامحني على الصرخة دي.. أصلي بخاف من الكلاب وعندي فوبيا منهم.

 

بكل هدوء ورزانة رد عليها الشاب وقالها: 

= ولا يهمك ماتتأسفيش.. أنا لما كنت عايش كنت بخاف منهم زيك كده.