صديقتي شيطانه

• الكاتب : Haader Gamaal
• / 2024-04-16

#صديقتي_شيطانه😪

اعرفكو عن نفسي انا ملك طالبه في كلية تجارة شاطره ومجتهده في دراستي وبحبها وليا صاحبيتي دعاء اجمل حاجه في حياتي بحبها جدا معايا في كل حاجه لاني بابا قاسي شويه لانه بيحب الولاد اكتر 😅المهم مش هطول عليكو تبتدي حكايتي من 5 سنين كنا وقتها خلصنا دراسه وبعدها اتقدملي أحمد كان زميلنا في الجامعه شاب كويس ومناسب لاي واحده متربي كده وعنده اخلاق ومحترم 😍 المهم اتقدملي واهلي وفقو وانا كنت مبسوطه قولت اتجوز واطلع من بيت بابا لاني عنيت معاهم شويه وكنت فرحانه جدا زي اي عروسه ومعايا صحبتي طبعا ديه تؤام روحي المهم من وقت ما اتخطبنا حسيتها اتغيرت وبقت دايما ساكته معايا وبتكرهني في خطيبي ازاي ميعملكيش وازاي ميجبلكيش انتي مش قليله وهكذا يعني وبصراحه كنت بفرح بيها وبقول خايفه عليا 😥

لحد ما فترة الخطوبه عدت وقربنا عالجواز روحت انا وصحبتي واهلي فرشنا شقتنا طبعا انا ماما متوفيه وانا اصلا بنت وحيده ع 3 اولاد فكان معايا اخوات جوزي وصحبتي ولحظت ان صحبتي بتحاول تتكلم مع اخت جوزي كتير لحد ما هي زعقتلها ولما سألت فيه ايه اخت جوزي قالتلي البت ديه مش سلكلك ابعدي عنها طبعا انا استغربت ليه بتقول كده قامت دعاء قالتلي يابنتي ديه مبتفهمش بكلمها عن اللحاجات اللي انتي بتحبيها قامت هبت فيا هي فاكره انه علشان امك ميته هتبقي لوحدك وياكلوكي ولا ايه وقتها انا فعلا اتجرحت وحسيت انهم ممكن يجو عليا لاني يتيمه 😪بس عديت الموضوع وخلصنا الشقه وانا كنت فرحانه جدا ومعتقده ان حياتي هتتغير بقي وهتبق احسن 🤣 ده اللي انا كنت فاكره للاسف 🥹وجيه اليوم الموعود يوم الفرح طبعا كنت انا ودعاء في الكوافير وحقيقي كنت طالعه زي القمر وأول مااحمد شفني انبهر بجمالي 😍 وخدني وروحنا عالقاعه طبعا وقتها دعاء قالت انا هاخد الاكل من عمتك واوديه قولتلها خليكي معايا علشان مبقاش لوحدي قالتلي متقلقيش مش هتأخر عليكي وخدت كل هدومي اللي كانت في الكوافير والاكل وروحتهم شقتي ورجعتلي عالقاعه ::وخلصنا الفرح وكله تمام وطلعنا عالشقه شقتي في بيت عيله فأهله وصولنا ونزلو بس انا اول ما دخلت الشقه قلبي اتقبض وحسيت احساس غريب كأن روحي بتسحب لحد ما حصل اللي مكنتش اتوقعه😳 المهم حولت اتملك نفسي وقولت اكيد توتر من الفرح ودخلت اخدت دش وحطينا الاكل وبعدها أحمد طبعا بداء يعكس فيا وكده يعني لحد ما وصلنا أوضه النوم وطلبت منه يسبني شويه بس اظبط نفسي هو وافق وسبني فعلا ربع ساعه انا كنت متوتره بس عادي وبعدها خبط ودخل وهنا انا تفزعت اللي دخل عليا مكنش أحمد ده كان شيطان 👹 ليه قرون وضوافر وعيونه صفره زي الأزاز اتصدمت وقعدت اصوت وهنا كانت الكارثه 😨لاني لقيت احمد جاي من بره وداخل الأوضه وهو مخضوض 😳ايه ده اومال ايه اللي شوفته ده ومين اللي دخل من شويه ده كان لابس نفس البجامه بس شكله بشع 👹 وقتها احمد حاول يهديني وقام يجبلي شويه مياه وجيه وانا هديت فعلا وقولت توتر بس اللي حصل بعدها غير كل حياتي ودمرني 😭طفينا النور واستعدينا نتمم جوازنا وقتها احمد اول ما قرب عليا قعد يصوت ويزعق وزقني جامد لدرجه اني وقعت عالدولاب وقتها استغربت تصرفه بس اول ما ولع النور كل حاجه رجعت طبيعي وهو قعد يحلفلي انه كان شيفني عفريت وجسمي مليان شعر ولون عيني احمر وشكلي بشع 👺في وقتها اتخضينا احنا الاتنين لان الباب خبط جامد ولما احمد فتح طلعو اهله سمعو صوته فطلعو وحكاه احمد كل اللي حصل لمامته قامت مامته لمت الموضوع وقالت من التوتر متقلقوش ريحو النهارده والعمر لسا قدامكو طويل 😊 وفعلا نمنا اليوم ده من التعب وجم اهلي وصحبتي تاني يوم والغريب انها بقت بتسألني عملتو ايه وتممتو جوازكو ولا لا طبعا انا اتكسفت ارد عليها واتهربت منها وخدو قعدتهم ومشيو وحبينا انا واحمد نبق مع بعض بس المرادي اللي حصل صدمنا انا كنت شايفه شيطان وكل ما يقرب مني اصوت لحد ما مسكت المقص من عالتسريحه وضربته في كتفه كل ده وانا مش واعيه قام هو اتنرفز عليا ونده مامته وانا وقتها مكنتش فاهمه وعامله اقولهم انه مكنش هو وكان في حد شكله وحش بيتهجم عليا مسمعونيش وامه قالتله خلاص خدها براحه تلقيها خايفه والحمدلله الجرح بسيط 🥹وعد يوم واسبوع كمان واحنا ع نفس الحال لحد مااحمد كلم بابا حكاله وبابا جيه وانا كمان حكتله اللي بيحصل وقالي تلقيكي خايفه ومتوتره معلش يااحمد سيبها معانا كام يوم كده عمتها تفهمها بس احمد وافق وروحت مع بابا واول ما دخلت البيت وقعت من طولي ; وقتها اتصلو بأحمد وجريو بيا عالمستشفي وهنا كانت الكارثه ان الدكتور قال اني حامل 😳ايه ازاي حامل ده محدش لمسني وجوزي مجاش جنبي وقتها الدنيا اتقلبت وبقت فضيحه وامه تقول علشان كده كنتي بتمثلي علشان ابني ميلمسكيش وابويا بقي يضربني بغل ومحدش كان مصدقني واحمد طلقني بالتلاته وابويا رماني في مخزن البضاعه تحت الارض في عز التلج من غير حتي ما يعلجوني من الاصابات الناتجه عن ضربهم فضلت في الأوضه مستنيه موتي ومش عارفه حصلي ايه انا عمري ما كلمت حد 😭ازاي حامل 🥲لحد ما عدا اسبوع واهلي رايحين يجيبو عزالي تتفجاء عمتي بفتحه صغيره في المرتبه وهما بيلمو الحاجه الفتحه ديه كان مزنوق فيها كيسه سوده جابتها عمتي وفتحتها واتصدمت لان الكيسه كان فيها صورتنا يوم الخطوبه وكمان جزء من هدومي الدخليه ومكتوب عليهم بالدم 😱وقتها عمتي قعدت تصوت لحد ما طلعو اهل احمد وعمتي من خضتها اتهمتهم انهم عملولي عمل علشان يؤذوني لان امه كانت عايزه يخطب بنت خالته وطبعا امه قعدت تزعق وتقول اننا بنتبلا عليهم علشان نداري ع فضيحتنا وانه ده تمثيل وكدب ومن هنا لهنا جيه ابويا ولأول مره بابا يقف في صفي وقال لحماتي انا هصدق بنتي وهتأكد من الكلام ده مين عملها عمل اكيد الي حصل ده بسبب العمل وطبعا حماتي مصدقتش وبردو فاكره انه حوار مننا بس احمد صدق وراح مع ابويا لشيخ كويس عندنا وقتها الشيخ قالو انه العمل ده ناقص وليه جزء تاني دورو عليه لما تلقوه تعلولي لان مش هيتفك غير كامل وقتها ابويا طلعني من المخزن طبعا كنت منتهيه ولا بأكل ولا بشرب ومتبهدله من الضرب صعبت عليه وفعلا جبلي دكتوره البيت علجتني وعادت الكشف واكدت اني حامل في الرابع 🥺 وكنت في البيت زي الميته ووضعي وحش من الفضيحه عروسه بعد جوزها بأسبوع حامل في الرابع وجوزها ملمسهاش كنت تريند بمعنى اصح 😭المهم الشيخ كان قيلهم ألتزم بالصلاة وسورة البقرة كل يوم والأذكار ولأول مره في حياتي ابق كرهه الصلاه وبعاند واقوح ومرضاش اصلي او اقرأء قرأن المهم كان بابا واخواتي بيغصبوني لحد ما عدا شهر وانا ع نفس الحال وهما قلبو الدنيا ع بقيت العمل مش لقينو وطبعا كانت دعاء ع طول عندي ماهي أكتر من أختي وكانت زعلانه عليا وكنت صعبانه جدا عليها لدرجه انها خدت رقم أحمد تحاول تصلح اي حاجه 😶المهم كنا داخلين ع أول يوم رمضان وقتها كنت بصلي ومن تعبي أنهرت ووقعت عالمصليه وقعدت أعيط بحرقه ع حالي ومن تعبي عيني غفلت وانا عالمصليه فحلمت حلم غريب جدا حلمت ان صحبتي دعاء وشها عادي بس جسمها زي جسم التعبان وماسكه ماما بتقطع فيها وماما بتصوت وبتقولي تعاليلي عايزاكي 😧 انا قمت مفزوعه وحكيت لبابا بابا قالي متخافيش تلاقيكي بس من كتر التفكير امك وحشتك 🥲 بس الحلم اتكرار وقتها بابا راح حكي للشيخ قام الشيخ قالو امنع اي حد يجيلها وبالذات صحبتها ولازم يوم الجمعه بعد الفجر نروح مدفن مامتها تزورها ديه رساله من ميته واجب تنفيذها وبابا فعلا سمع كلامه ومنع اي حد يجيلي حتي دعاء وبعدها روحنا يوم الجمعه بس أول ما وصلنا جسمي حسيته تلج جدا وشفت ماما وقفالي ع الباب بتقولي ادخلي انا مشيت زي المغيبه ودخلت عالمدفن متستغربوش ايوه دخلت فعلا تحت في المدفن مع الجثث وبابا كان ورايا بس اول مادخلت شوفت اللي رعبني حرفيا امي كانت وقفه قدامي كاانها عايشه وفجأه بقت هيكل وخلعت الجزء السفلي من فكها ورمته عليا وقالتي احرقيه انا اتخضيت وقعدت اصوت قام بابا خدني وطلعنا جري ولما طلعت حكيت للشيخ علشان اكتشف ان بابا مشفش حاجه اصلا وان مفيش اي حاجه حصلت 🥹بس وقتها الشيخ صدقني ونزل معانا هو كمان ودخلنا عند جثه ماما المتحلله لانه ميته من 7 سنين والشيخ لقي فعل نفس الكيس الاسود بالدم في بوقها وخدو ولسا هنطلع لقيت حاجه بتلمع جنب الجثه خفت اقرب قولت لبابا وجابه وهنا انا اتصدمت ده خاتم دعاء ايوه انا جبتهولها في عيد ميلادها كان نفسها فيه بس كان واسع شويه وكانت دايما تقولي انها عايزه تديقه وبتنسا😯 وقتها انا انهرت مكاني معقول صحبتي تعمل فيا كده ليه ديه كانت كل حياتي عمري ما بخلت عليها كنت دايما عايزها أحسن مني ليه ليه تعمل كده 😭وقتها بابا هداني وخدني عالبيت والشيخ خد العمل علشان يفكه وانا كلمت دعاء وقولتلها اني عايزه اشوفها وهي جت ما هي متعرفش اننا لقينا بقيت العمل لأني كنت ممنوعه من الزياره وهي اصلا من بعد ما خدت رقم أحمد مبتقش بتسأل كتير بس انا كنت بقول انها مش عايزه تتقل عليا أكيد 🤣 المهم لما جت سألتها فين خاتمك اللي جبتهولك مش لبسه يعني قالتلي اه اصله واسع فسبته في البيت ليضيع انتي عارفه اني بحبه🙂 قولتلها اه عارفه بس لأسف معرفتيش تحفظي عليه لانه ضاع وانا لقته اتصدمت في الاول 😳وقالتلي ايه ده بجد قومت طلعتوهلها وقولتلها عارفه لقيته فين 😯قالتلي فين تلقيه وقع هنا وانا معاكي🤨 قولتلها لا لقيته في قبر ماما مع العمل اللي انتي عملتيه ارتبكت جامد وبعدين قالتلي ايه الكلام الاهبل ده وانا هعملك عمل ليه قولتلها انا جيباكي أسألك ليه قامت شدت الخاتم مني وشدت شنطتها وكانت هتطلع قام أخويا الكبير شدها من عالباب وضربها بالقلم اتصدمنا انا وهي بصراحه لان اخويا ده محترم جدا وكمان هادي عمره ما تعصب المهم قام قالها ليه تعملي فيها كده ديه كانت بتبديكي عن نفسها تعملي معاها كده ليه تفضحيها وتأذيها ليه تدمري حياتها بالشكل ديه كانت بتصرف عليكي أكتر ما بتصرف ع نفسها وعمرها مااذتك 😭 هنا بقي هي انفجرت وفضلت تعيط وتقول بكل غل اني واحده انانيه دايما شايفه نفسي الأحسن وامها دايما كانت بتعيرها بيا اني اشطر منها واحسن منها حتي لما حبت أحمد هو جيه واتقدملي انا هنا انا اتصدمت انتي بتحبي احمد طيب مقولتليش ليه مكنتش هوافق عليه ليه تأذيني كده قامت من بجحتها قعدت تدعي عليا وتحسبن قامت عمتي فضلت تضرب فيها وبابا صمم يبلغ البوليس بس انا مرضيتش وسبتها تمشي وقطعت علاقتي بيها خالص والشيخ جلنا البيت واداني مياه شكلها غريب كده وقالي اشربيها شربتها وفضلت ارجع كتير والمفجأه ان بطني نزلت وقتها في عز تعبي فرحت ولقتني بعيط وبشكر ربنا وتاني يوم روحت انا وبابا المركز كشفنا عالحمل والحمدلله مطلعش في حمل وكمان كشف العذريه اثبت اني لسا بنت وقتها بابا خد الشيخ وراحو لأحمد اللي اتصدم من الي اتقال وقال بابا ان دعاء كلمته فعلا بعد ما طلقني وفهمته ان انا بحب واحد وغلطت معاه وفضلو يتكلمو مع بعض وعرفته انها بتحبو وكان ناوي يروح يتقدملها 🙂 طبعا هو اتصدم ومامته مصدقتش لا بابا ولا الشيخ لحد ماروحنا معاه محافظه تانيه فيها دكتور قريبهم كشف عليا واثبت اني بنت والحمدلله الحقيقه ظهرت للناس كلها واحمد كتب عليا تاني بس مشينا من الشقه ديه وسكنا في شقه بره ورميت المرتبه كمان والحمدلله حياتنا استقرت بس لحد الان انا بعاني من ازمه نفسيه 😞 ودعاء بقي انتحرت بعد جوازي من احمد بشهر وامها بتقول انه بعد ما رجعت من عندنا بيومين بدات تنام وتقوم تصوت وتقول هيقتلوني وتقول لأمها بيطلعولي من الخاتم وهيقتلوني لحد ما رمت نفسها من البلكونه وماتت ولحد الأن مش عارفين أذا كان الخاتم حصله حاجه من وجوده في المقبره ولا انقلب السحر عالسحر والصدمه كانت كبيره عليها وسببتلها تهيؤات الله أعلم المهم من هنا انا اتعلمت اني مثقش في حد لان اللي يقدر يأذيني هو القريب مني وحاليا عايشه حياتي انا وجوزي ولسا ربنا مااكرمناش بأطفال وبدعي ربنا ليل نهار انه اظهري الحقيقيه وسترني بعد الفضيحه 💔 وهي خدت جزئها بس انا مش قادره اسمحها 😭