الوحمة
- خبيتنا دلوقتي لشاب في أولى جامعة بيقول
انا اتولدت في نص الليل في مركز طبي صغير تابع للحكومة..
كل اللي حضروا من عماتي اكدوا ان الأوضة اللي كانت جنب أوضة الولادة بيطلع منها أصوات كتير..
والدي سأل الممرضة هناك عن سر الأصوات دي.. الممرضة قالت ان الأوضة دي مخزن للمراتب اللي بتيجي من المستشفى العام، وإن الدفعة اللي جت كان ميت عليها واحدة ست محروقة، ومن ساعة ما جت الأوضة بيطلع منها صوت خبط وخطوات..
لغاية هنا تقدروا تقولوا مفيش مشكلة لكن المشكلة بقى اني اتولدت بوحمة شبه الحرق موجودة على رجلي الشمال، ومن ساعة ما كبرت ولحد دلوقتي وأنا بحلم بواحدة ميتة محروقة
اسمها تهاني وبتظهرلي علطول ولا عارف عاوزة إيه ولا ناوية على ايه
التعليقات
للتعليق يجب عليك تسجيل الدخول اولا