قصاقيص الموتى!
- (خ) من أصدقاء نادي الخبايا بيحكي تجربته وبيقول..
وأنا عندي 17 سنة كنت شغال في مصنع بتاع مراتب، وكنت بشيل قصاقيص القماش من الدور ال 3 أنزل بيها الدور اللي تحتية عشان تتحشي بيها المراتب..
في يوم كان لازم أعقد شيفت مسائي.. المهم الأسطى طلب اطلع أجيب شوال..
طلعت على السلم وكان ضلمة مش شايف غير نور ضعيف جاي من فوق..
فجأة سمعت صوت كركبة وشفت زي حاجة سودا قدامي..
طلعت موبايلي وشغلت الكشاف بتاعه.. شفت راجل طويل ورفيع جدا واقف بعيد زي الصنم..
بعدين بدأ يتحرك ناحيتي..
أنا تجمدت مكاني..
الراجل بدأ يتهز جامد ويرتعش وبعدين سمعته بيصرخ بصوت عالي جدا..
كان في مراتب كتير محطوطة وبدأت تقع على الأرض وكان في كراسي خشب هي كمان وقعت..
طبعا جريت بسرعة وقفلت ورايا الباب..
تاني يوم بحكي للأسطى اللي أنا شغال معاه قالي:
- هو طلعلك.
سألته: هو مين؟
قالي ده واحد كان شغال معانا الله يرحمه اتكهرب في المكان ده ومات.
التعليقات
للتعليق يجب عليك تسجيل الدخول اولا