الطفلة والأصلع!
- صديقة نادي الخبايا (ه) بتحكي وبتقول
تقريباً أنا هحكيلك قصة صعبة جدا على أي حد يستحملها
الموضوع بدأ تقريباً من 7 سنين بدأ مع والدتي.. كانت تبقى نايمة تحس إن في حد بيسحب من عليها الغطا وتبقى في الحمام الباب يتفتح عليها..
في الوقت ده كان عندي حوالي 15 سنة، كنت لما أحكي مع والدتي ألاقي وشها اتغير وعنيها اسودت، مفيش فيها بياض نهائي
والدتي قالت إنها بتشوف راجل أصلع وبنت صغيرة واقفين في الحمام ويفضلوا يبصوا لها ويضحكوا..
جبنا شيخ وقالنا ان ده مس من الجن..
الشيخ طلعه من عليها لكن ساب علامة على رجليها
ظهر على رجليها حاجة زي الحرق ساعتها، تاني يوم والدي كان مشغل قرآن جمبها، فجأة لقينا والدتي بتصوت وبتزعق جامد، وطلعت تجري، ودخلت أوضتنا
دخل والدي وراها بالميه المقروء عليها، وأنا شغلت القرآن
أمي بصتلي بصة أنا لحد وقتي ده فكراها، وفجأة رجعت من بوقها ميه لونها أسود
نفس الليلة دي كلنا شفنا خيالات في الشقة بتتحرك وأصوات حد بيتكلم جاية من الحمام، وأنوار الشقة بتولع وتطفي لوحدها..
بجد شوفنا حاجات وحشة جدا.
جبنا واحد شيخ تاني بس كان من البدو اللي بيبقوا عايشين في الصحراء.. الشيخ ده قال لأمي تجيب 13 ورقة نبق من شجرة النبق، وتحرقهم. وفعلا عملت كدا
ماما مبقتش تشوف حاجة واتحسنت عن الأول..
لكن أنا لا..
كل لما أدخل الحمام أشوف راجل أصلع ومعاه بنت صغيرة عمالين يبصوا ليا ويضحكوا..
صحيت مرة من النوم ولقيت الراجل
أنا خايفة.. خايفة جدا
التعليقات
للتعليق يجب عليك تسجيل الدخول اولا