باب الحزن

• الكاتب : q8_failaka
• / 2025-06-29

باب الحزن! 

- (صديق من أصدقاء نادي الخبايا) بيقول

إن من حوالي سنة مات جده اللي كان عنده في الوقت ده حوالي 70 سنة..

وبعد لما انتهت الجنازة والعزاء، والدي فضل زعلان لمدة طويلة جدا..

حاولنا نخرج والدي من اللي هو فيه، ماما اقترحت عليه اننا نروح نغير جو، والدي رفض وبعد مدة قال إنه هيروح ينام في بيت جدي، بصراحة كنا خايفين على باب من الاكتئاب، فطلبت منه ياخدني معاه..

وفعلا روحت بيت جدي اللي كان مقفول، قعدت أنضفه شوية لغاية لما تعبت، قعدت على كنبة كبيرة قدام التليفزيون، كان جدي متعود ينام عليها..

فضلت قاعد لغاية لما لقيت نفسي بنام..

وأنا نايم شفت نفسي كأني قاعد على الكنبة، وكان جدي قاعد قدامي زعلان..

كان مربع ايده على صدره، وباصص في الأرض، لقيت نفسي بسأله مالك يا جدي..

قالي: قول لأبوك ميزعلش عليا، وخليه يهتم بصحته شوية، وبعدين حكالي موقف كان حصله مع والدي.

لما فقت حكيت لبابا عن اللي شفته، وحكيتله على الموقف.

بابا استغرب لأن مكنش حكى لحد عن الموقف ده..

بابا عيط لما حكيتله، بس المهم ان بعد كام يوم بدأ يرجع لطبيعته..

وبعد مرور كام شهر شفت جدي مرة تانية، المرة دي كان قاعد زعلان، وقالي إن والدي هيجي عنده..

مفهمتش حاجة، لكن بعد شهر والدي اتوفى..

أنا دلوقتي عايش مع والدتي، وخايف قوي اني أشوف جدي مرة تانية