الزائر!
- (صديق) بيحكي ويقول
والله اللي هقوله ده حقيقي
سكنت مرة في بيت واحد سمعت إنه انتحر وشنق نفسه.. طبعاً الموضوع ده كان مخوف الناس ومحدش كان راضي يسكن.. بس الصراحة أنا سكنت لأن الايجار كان قليل جدا وقلت إنها فرصة
أول ليلة قضيتها هناك فجأة لقيت حنفية الحمام بتنزل ميه لوحدها.. الميه كان لونها أحمر زي الدم وريحتها وحشة قوي.
دخلت أنام
صحيت علشان أدخل الحمام. مجرد ما دخلت كل الأنوار انطفت والشقة بقت ضلمة زي القبور والقرآن كما مش شغال
قعدت أنادي على أي حد من خوفي..
فجأة وفي وسط العتمة حد ضربني بالقلم على ضهري لدرجة إني وقعت واتخبطت في الكرسي وسناني جابت دم..
كنت بترعش ومش عارف اتلم على نفسي.. وبدأت اسمع صفير مستمر في ودني وسمعت أصوات ضحكات وهمسات.
النور رجع تاني..
بس لما رجع شفت قدامي واحد تخين جدا وجسمه كله محروق ومفيهوش شعر خالص.. وكانت عينيه طالعة قوي لبره ومليانة دم..
غمضت عيني وفتحتها مكنش في حد موجود والقرآن رجع اشتغل..
بصيت في المرايا على مكان الضربة لقيت علامة كف على ضهري لكن كانت ست صوابع مش خمس صوابع.
بعد الليلة دي فصلت أشوف كوابيس وأحلام وحشة أوي
احلم مرة إني بقع من مكان عالي وروحي بتطلع ومرة أحلم إني ميت ومحطوط في تابوت ومرة أحلم إني بتجوز والعروسة لابسة أسود ومرة أحلم إني بتخنق وحاجات كتيرة مرعبة كنت بقوم من النوم دايما مفزوع حتى بالنهار أنام اتكتف ومكنتش طبيعي كنت أغمض بس عيني أحس إن شايف حد قدامي أنا سبت الشقة ولغاية دلوقتي العلامة لسه موجودة على ضهري.
التعليقات
للتعليق يجب عليك تسجيل الدخول اولا