فاصل سريع من خباياكم
- طيب اقرأ دول وقولي حصلك أي حاجة مشابهة
- شفت جدي في أوضة نومي. وهو مات أصلاً قبل ما اتولد. لكني شفته وعارفاه كويس، لدرجة اني عرفت عنه تفاصيل محدش قالها عنه خالص قدام
- أخويا كان واخد التكليف بتاعه في وحدة صحية في بلد تبع مرسى مطروح، ومكنش حد معاه وهو نايم على السرير جنب الحيطة بيقول: بمد ايدي لقيت حد ماسك في ايدي. اتخضيت، وفوقت، شوفت ايد طالعة من الحيطة ماسكة ايدي.. وبيقسم ان ده حص
- صحيت مرة بالليل وكنت عطشانة.. وأنا في طريقي للمطبخ عديت على أوضة أخويا.. كانت الأوضة مفتوحة فبصيت بصة.. شفت كائن ناري شبه الإنسان، واقف فوق دماغ أخويا، وعمال يحرك ايديه يمين وشمال زي حركات السح
- أنا دايماً لما ببص في المراية بشوف شكل غير شكلي، شبهي بس مختلف، العنين أوسع، ومختلف شوية، مخيف طبعاً لأنه مش أنا.. الغريب إني مبقاومش إني أبعد بعيد عن المراية.. دايماً بيبقى عندي فضول أكمل الشكل الغريب دا.. ناس بيقولوا إنها القرينة.. بس معقول قرينتي بشعة كده؟
نعود لخبايا
الدفان
كنت شغال في العلمين، والسكن بتاعي أنا و3 معايا في الصحراء
في مكان مقطوع جدا وقدامه بالظبط مقابر، المقابر هناك كانت زي حفر في الأرض، المتوفي بيتحط فيها، ويتردم عليه تراب ويحطوا قالب طوب وخلاص دا طريقة الدفن هنا
المهم الحتة دي كان فيها قوالب طوب كتير، أنا وأصحابي مكناش فاكرين إن دي مقابر في الأول، كنا فاكرينها طريق، وكنا بنعدي كتير
ففي يوم كنت سهران أنا وواحد معايا، بنسمع ماتش وبعدين روحنا السكن، كانت الساعة زي 1 الصبح كده لقينا راجلين واقفين، ومش راضيين يتحركوا ولا بينطقوا خالص
فعدينا وقولنا أكيد دي تهيؤات، واحنا اللي عايزين ننام فروحنا السكن، أنا خايف وهو خايف بس مقولناش لبعض، واحنا قاعدين ومشغلين المروحة فجأة النور كله فصل، والمروحة فضلت شغالة لوحدها وتضغط على السرعة بتزيد معاك، ولقينا التليفون اشتغل لوحده مرة واحدة، والسرير عمال يتهز جامد، وحنفيات الميه اشتغلت لوحدها.
وفجأة الدنيا ضلمت جامد ومبيقناش شايفين حاجة خالص وحسينا إن في حد ماشي وبيتحرك جوه الأوضة مع إن كلنا كنا قاعدين.. لغاية لما النور رجع وكل حاجة هديت
نفس اليوم كنا معديين من الطريق بالليل لقينا أرانب كتير بتجري حوالينا وبعدين بدأ طوب يتحدف علينا.. مكناش عارفين الطوب ده جاي منين.. وسمعنا صوت غليظ بيقولنا متمشوش من جنبنا تان
صرخنا وطلعنا نجر
سمعنا راجل عجوز كان ماشي، حكيناله على اللي حصل، والصوت اللي سمعنا
وقتها فهمنا إن الطريق اللي بنمشي منه ده مقابر، واننا كدا بنأدي الموت
ىهيي....ك.!كم!رلي؟
التعليقات
للتعليق يجب عليك تسجيل الدخول اولا