العريفة للكاتب أحمد يونس

• الكاتب : q8_failaka
• / 2024-12-23

العريفة! 

- وإلى خبايا صديق جديد

أنا طالب في كلية إعلام الفرقة الرابعة.. والذي وجدي سمتهم كتير بيحكوا عن تجارب كتير مع الجن.. بصراحة أنا مكنتش مقتنع ب الكلام ده.. لكن أكتر شيء كانوا بيتكلموا عنه كان (العريفة).. سمعتهم بيتكلموا عنها لكن كل ما أقرب أحاول أسمع كويس كانوا بيبطلوا كلام عنها..

في الفترة قبل موت جدي فضل يتهامس مع أبويا كتير وسمعت اسم العريفة كتير..

بعد لما مات جدي ومرت كام سنة وقربت أنسى الموضوع خالص كان أبويا نايم في الأوضة بتاعتنا وعلى السرير اللي قدامي، وأنا وأخويا في السرير اللي جنبه..

لحد هنا تمام، وفي نص الليل صحيت من النوم عشان اشرب، شوفت واحدة ست كبيرة، بس مبتخوفش، وكانت جميلة جدا. لكن المرعب في الموضوع ان الست كانت قاعدة جنب أبويا وهو نايم فسابع نومة وهي بطبطب عليه، وجسمها كان شفاف جدا..

حاولت أولع النور، وأنا بمد إيدي على الزرار بصلتي بصة عمري مقدر أنساها.. كانت بصة مرعبة جدا

وبعدها اختفت..

تاني يوم لما حكيت لأبويا اللي حصل ملامح وشه اتغيرت ووشه أصفر قوي..

قالي: يا بني دي (العريفة) روح وجاية تاخد حد مننا.

وبعدها لقيته بيجهز حاجة الكفن بتاعه وبيودعني أنا واخواتي وبيوصيني نخلي بالنا من بعض..

بعد شهرين مات والدي..

ودفنته..

بقت العريفة بتجيلي في أحلامي كتير.. كنت بشوف نفسي اني بدفن واني جوا تربة..

وفي يوم أخويا قالي أنه صحى بالليل وشافها قاعدة جنبي وأنا نايم وبطبطب عليا..

أنا حاسس إني هموت..

شكلها المرة دي جاية عشاني.